分享∥ ♬ 簡簡單單的Cafe Cocomo ♪

尋日同傻佬周圍行街，行到THE ONE 好累就諗住是但入一間店舖食晚餐，
見到呢間好簡簡單單既Cafe Cocomo，價錢方面係尖沙咀黎講都算幾平，
所以就入左去試下啦!
兩個人叫左兩個套餐黎食，包飲品，餐湯同餐包~
個份量真係好多，食到好飽... ( 可能因為我細食，所以覺得好好飽..)

餐包其實真係無咩分別，是日餐湯係甘筍忌廉湯，
傻佬話呢個湯比較淡，唔算太濃郁..

不過我幾鍾意個沙律，好好味!

另外，我地叫左鮮蝦蠔肉蕃茄意粉同咖喱炸豬扒飯，
個賣相就真係麻麻地，不過食落都唔錯嫁，
可能我地兩個對食無咩要求，所以整體黎講呢間Cafe 真係唔錯!我都幾鍾意呢間cafe，因為佢地既服務真係好好，店員都好nice!
呢間cafe 仲有其他好得意既甜品，可惜真係好飽既關係，唯有下次先再去試試啦!